ძვირფასო მონაწილეებო, გვიხარია, რომ შემოგვიერთდით, რადგან თითოეული ჩვენგანის მონაწილეობა უმნიშვნელოვანესია იმისთვის, რომ თბილისის ურბანულ გარემოში მივაკვლიოთ საქართველოში ბუნებრივად მოზარდი ადგილობრივი მცენარეებს, აღვწეროთ და გავუზიაროთ თანამოქალაქეებს.

მცენარეთა აღწერის გასამარტივებლად, საკონკურსო პერიოდი დაყოფილია ოთხ ნაწილად დავალებების მიხედვით. თითოეული თვის დასაწყისში დაიდება დავალების შემცველი პოსტი, რომლის შესასრულებლად კონკრეტული ვადები გექნებათ.

მაშ ასე, ყურადღებით გაეცანით პირველ დავალებას:

აწარმოეთ დაკვირვებები საქართველოში ბუნებრივად გავრცელებულ ადგილობრივი ფოთოლმცვენი ხეებზე. (შეგიძლიათ დაკვირვება განახორციელოთ თბილისში არსებულ ნებისმიერ ფოთოლმცვენ ხეებზე. თქვენი დავალება დაემატება რუკაზე, თუმცა შედეგების დათვლისას ჟიური არ ჩათვლის).

დავალების შესრულების ვადები: 7 ივლისიდან 27 ივლისის ჩათვლით.

დავალებაში გამოვლინდება სამი გამარჯვებული:

1.მონაწილე, ვინც გააკეთებს ყველაზე მეტ დაკვირვებას.
2.მონაწილე, ვინც აღწერს ყველაზე მეტი სახეობის მცენარეს

3.მონაწილე, ვინ პროექტის ფარგლებში ყველაზე მეტი მცენარის გვარს ან სახეობას

შეგახსენებთ კონკურსის პირობებს:

1. იმ შემთხვევაში, თუ მონაწილის მიერ ერთსა და იმავე სახეობის მცენარეზე ერთზე მეტი დაკვირვება განხორციელდა და ამ დაკვირვებების დაშორება ერთმანეთისგან არ არის 3 კმ-ზე მეტი, ჩაითვლება მხოლოდ 1 დაკვირვება.
2. დაკვირვება არ ჩაითვლება, თუ მასში აღწერილი მცენარე არ შედის პროექტის კურატორის მიერ დავალებით მოცემულ მცენარეთა ჯგუფში.
3. კონკურსში ჩაითვლება მხოლოდ ის დაკვირვებები, რომელიც განხორციელდა საქართველოში ბუნებრივად გავრცელებულ ადგილობრივ მცენარეებზე.
4. არ ჩაითვლება კულტივარ მცენარეზე განხორციელებული დაკვირვება.

დამატებითი კითხვების შემთხვევაში დაგვიკავშირდით.

გისურვებთ წარმატებებს!

მოგესალმებით და გიზიარებთ იმ მცენარეთა ნუსხას, რომლებიც ბუნებრივადაა გავრცლებული თბილისში და წარმოადგენს ადგილობრივ სახეობებს.

ნუსხა იხილეთ ლინკზე: https://www.inaturalist.org/guides/8064
ჩვენი რეკომენდაციაა, დავალების ატვირთვისას იხელმძღვანელოთ აღნიშნული სიით და ამით გაგიმარტივდებათ ჩვენს კონკურსში დაკვირვების სწორად დამატება.

შეგახსენებთ, რომ პირველი დავალების დასრულებამდე დარჩა 11 დღე!

გისურვებთ წარმატებებს!

სასიხარულო ფაქტია, რომ კონკურსის დასაწყისშივე მოსახლეობის საკმაოდ მაღალი ინტერესი დაფიქსირდა და პროექტს 44 ადამიანი შემოუერთდა! პირველი დავალების შესრულებაში, რომელიც თბილისში ბუნებრივად გავრცელებული ადგილობრივი ფოთოლმცვენი ხეების აღწერას გულისხმობდა, მონაწილეობდა 14 ადამიანი. მონაწილეებმა თბილისის ადმინისტრაციულ საზღვრებში განახორციელეს #319_დაკვირვება და აღწერეს #65_სახეობის მცენარე.

27 ივლისს პირველი დავალების შესრულების დრო ამოიწურა და დროა გამარჯვებულები დავასახელოთ. შედეგების დათვლისას ჟიურიმ გაითვალისწინა პროექტის წესები:

1) თუ მონაწილეს ერთი და იმავე სახეობის მცენარზე 3 კილომეტრის რადიუსში აქვს რამდენიმე დაკვირვება, ეთვლება მხოლდოდ ერთ-ერთი მათგანი.
2) თუ მონაწილის განხორციელებული დაკვირვება არ შედის დავალებით მოცემულ მცენარეთა ჯგუფში, ეს დაკვირვება არ ითვლება.
3) ითვლება მხოლოდ ის დაკვირვებები, რომელიც განხორციელდა საქართველოში ბუნებრივად გავრცელებულ ადგილობრივ მცენარეებზე.
4) არ ითვლება კულტივარ მცენარეზე გაკეთებული დაკვირვებები.

წესების გათვალისწინებით გამოვლინდა გამარჯვებულები შემდეგ ნომინაციებში:

✅ 1) ყველაზე მეტი დაკვირვება განახორციელა მონაწილემ „analip”, რომელმაც კონკურსის წესების მიხედვით ჯამში 78 დაკვირვება გააკეთა.
✅ 2) ყველაზე მეტი სახეობის მცენარე აღწერა მონაწილემ „ninikosiashvili”. რომელმაც კონკურსის წესების მიხედვით აღწერა 32 სახეობის მცენარე.
✅ 3) პროექტში ყველაზე მეტი სახეობის მცენარის გვარი ან სახეობა გაარკვია მონაწილემ „temotemo“ (ჯამში 32 იდენტიფიკაცია).

მაშ ასე, პირველ დავალებაში გამარჯვებულებს გადაეცემათ პრიზები:

🏆 ყველაზე მეტი დაკვირვება - GPS ნავიგატორი ჯეოლენდიგან, ბოტანიკური ბაღის 6 თვიანი აბონიმენტი ორ პერსონაზე და National Geographic საქართველოს 2016-2018 წლებში გამოცემული ნომრების სერია.

🏆 ყველაზე მეტი სახეობის მცენარე - სალაშქრო/სპორტული ინვენტარის მაღაზიის 400 ლარიანი ვაუჩერი, ბოტანიკური ბაღის 6 თვიანი აბონიმენტი ორ პერსონაზე და National Geographic საქართველოს 2016-2018 წლებში გამოცემული ნომრების სერია.

🏆 გაარკვია ყველაზე მეტი სახეობის მცენარე - სალაშქრო/სპორტული ინვენტარის მაღაზიის 300 ლარიანი ვაუჩერი, ბოტანიკური ბაღის 6 თვიანი აბონიმენტი ორ პერსონაზე და National Geographic საქართველოს 2016-2018 წლებში გამოცემული ნომრების სერია.

პროექტში გამარჯვებულების დაჯილდოება მოხდება პარასკევს, 3 აგვისტოს, 17:30 წუთზე. საქართველოს ეროვნული ბოტანიკური ბაღის ღია სადღესასწაულო სივრცეში (Event square).

კონკურსი კვლავ გრძელდება და 1 აგვისტოს ახალი დავალება გახდება ცნობილი.

პროექტის ყველა მონაწილეს წარმატებებს ვუსურვებთ! <3